શું તમને ખબર છે કોલેસ્ટ્રોલની નોર્મલ રેન્જ કેટલી હોય છે? જાણો તેના લક્ષણો અને ઘરેલું ઉપચાર વિષે

૨૧મી સદીની અનિયમિત જીવનશૈલી અને ખોટી ખાનપાનને કારણે મોટેભાગે શહેરો માં વસવાટ કરતા લોકોમાં કોલેસ્ટ્રોલની બીમારી વધી રહી છે. આપણા શરીરમાં બે પ્રકારના કોલેસ્ટ્રોલ હોય છે, પહેલું સારું કોલેસ્ટ્રોલ જે સારા સ્વાસ્થ્ય માટે ખૂબ જ જરૂરી છે, જ્યારે બીજું ખરાબ કોલેસ્ટ્રોલ જે હૃદયના રોગોનું સૌથી મોટું કારણ છે.

જણાવી દઈએ કે તંદુરસ્ત વ્યક્તિના શરીરમાં કોલેસ્ટ્રોલની સામાન્ય રેન્જ 200 mg/dl અથવા 200 mg/dl કરતાં ઓછી હોવી જોઈએ, જો તમારું કોલેસ્ટ્રોલ સ્તર 200 mg/dl થી 239 mg/dl છે, તો તે જોખમનું સ્તર છે, જ્યારે તમારું કોલેસ્ટ્રોલ લેવલ 240 mg/dl કરતા વધારે હોય તો તે ખૂબ જ ખતરનાક સાબિત થઈ શકે છે. હાઈ કોલેસ્ટ્રોલ લેવલ હાર્ટ એટેકનું જોખમ વધારે છે. તેથી તેને નિયંત્રિત કરવું ખૂબ જ જરૂરી છે. જાણો હાઈ કોલેસ્ટ્રોલના લક્ષણો શું છે.

ઉચ્ચ કોલેસ્ટ્રોલના લક્ષણો:

• હાથ-પગ નિષ્ક્રિય થવા.
• હાથ-પગમાં ઠંડક અનુભવવી.
• દાદર ચડતી વખતે શ્વાસ લેવામાં તકલીફ થવી.
• શરીર નું અચાનક વજન વધવું.
• નખના રંગમાં ફેરફાર થવો.
• આંખોમાં પીળા રંગની ચરબી જમા થવી.
  પગ ની એડીઓ દુખવી.

કોલેસ્ટ્રોલને કંટ્રોલ કરવાના ઘરેલું ઉપાયઃ

લસણનું સેવન કરવું: કોલેસ્ટ્રોલ લેવલને નિયંત્રિત કરવા માટે લસણનો ઉપયોગ ફાયદાકારક સાબિત થાય છે. કારણ કે લસણ ઔષધીય ગુણોથી ભરપૂર છે. તેથી, જો કોઈ વ્યક્તિનું કોલેસ્ટ્રોલનું સ્તર નોંધપાત્ર રીતે વધી ગયું હોય, તો તેણે દરરોજ સવારે ખાલી પેટે હુંફાળા પાણી સાથે લસણનું સેવન કરવું જોઈએ.

ડુંગળીનું સેવન કરવું જોઈએ: ડુંગળીનું સેવન કોલેસ્ટ્રોલ લેવલને નિયંત્રિત કરવામાં ખૂબ જ મદદગાર સાબિત થાય છે. ડુંગળી શરીરમાં ખરાબ કોલેસ્ટ્રોલને ઘટાડે છે અને સારા કોલેસ્ટ્રોલને વધારે છે.જે ના કારણે હાર્ટ એટેકનો ખતરો ઘણી હદ સુધી ઘટી જાય છે.

અળસીના બીજ ફાયદાકારક છે: અળસીના બીજ શરીરમાં વધેલા કોલેસ્ટ્રોલના સ્તરને ઘટાડવામાં ખૂબ જ ફાયદાકારક સાબિત થાય છે. કારણ કે અળસીના બીજમાં ઓમેગા 3 ફેટી એસિડ મળી આવે છે, જે કોલેસ્ટ્રોલ ઘટાડવામાં મદદરૂપ સાબિત થાય છે.

ઓટ્સનું સેવન કરવું જોઈએ: જે લોકોનું કોલેસ્ટ્રોલ લેવલ વધારે હોય, તેમણે રોજ સવારના નાસ્તામાં ઓટ્સનું સેવન કરવું જોઈએ. ઓટ્સમાં ઘણા તત્વો હોય છે, જે કોલેસ્ટ્રોલ લેવલ ઘટાડવામાં મદદરૂપ સાબિત થાય છે.

એપલ સીડર વિનેગર: એપલ સીડર વિનેગર કોલેસ્ટ્રોલ લેવલને કંટ્રોલ કરવા માટે ખૂબ જ ફાયદાકારક માનવામાં આવે છે. જો કોઈ વ્યક્તિનું કોલેસ્ટ્રોલ લેવલ ખૂબ વધી ગયું હોય તો તેણે રોજ એક ગ્લાસ પાણીમાં એપલ વિનેગર મિક્સ કરીને પીવું જોઈએ.

સફરજનનું સેવન કરવું જોઈએ: કોલેસ્ટ્રોલ વધે ત્યારે સફરજનનું સેવન ખૂબ જ ફાયદાકારક માનવામાં આવે છે. કારણ કે સફરજનમાં ફાઈબર હોય છે.તેથી, જો કોઈ વ્યક્તિ દરરોજ એક સફરજનનું સેવન કરે છે, તો તે કોલેસ્ટ્રોલને નિયંત્રિત કરે છે.

લીંબુનું સેવન કરવું: લીંબુનું સેવન પણ શરીરમાં ખરાબ કોલેસ્ટ્રોલનું સ્તર જામવા નથી દેતું. કારણ કે લીંબુ કે કોઈપણ ખાટાં ફળમાં સોલ્યુબલ ફાઈબર જોવા મળે છે. જે શરીરમાં ખરાબ કોલેસ્ટ્રોલને જમા થવા દેતા નથી.

૩૦ મિનિટ ચાલવું: કોલેસ્ટ્રોલ લેવલ ઘટાડવા માટે કસરત અથવા 30 મિનિટ ચાલવું ખૂબ જ જરૂરી છે. જો કોઈ વ્યક્તિ દિવસમાં 30 મિનિટ ચાલે છે, તો તે કોલેસ્ટ્રોલનું સ્તર નોંધપાત્ર રીતે ઘટાડે છે.આ સાથે, દરરોજ 30 મિનિટ કસરત કરવી પણ ખૂબ જ મહત્વપૂર્ણ છે.