શું તમે કાળા ચણા ખાઓ છો? જો આહારમાં કાળા ચણાનો સમાવેશ કરતા નથી, તો ચોક્કસપણે કરો. તે ખૂબ સ્વસ્થ છે. કાળા ચણા તંતુમય હોય છે અને તેમાં ચરબી પણ ઓછી હોય છે. તે વિટામિન અને ખનિજોથી ભરપુર છે. કાળા ચણાથી શરીરનો ઇચ્છિત આકાર મેળવી શકો છો. આ ઉપરાંત તેનું ગ્લાયકેમિક ઇન્ડેક્સ પણ ઓછું છે.
કાળા ચણા ખાવાથી હરિતદ્રવ્ય, વિટામિન એ, વિટામિન બી, વિટામિન સી, વિટામિન ડી તેમજ ફોસ્ફરસ, પોટેશિયમ, મેગ્નેશિયમની જરૂરિયાત પૂરી થાય છે. જાણો, કાળા ચણા ખાવાના ફાયદા શું છે
કાળા ચણા શરીરની રોગપ્રતિકારક ક્ષમતાને વધારે છે. મગજને ઝડપી અને ચહેરાને સુંદર બનાવે છે. કાળા ચણા આખા હોય કે ફણગાયેલા એ બંને હેલ્થ માટે ફાયદાકારક છે. ફણગાવેલા ચણા ખાવાથી સૌથી વધારે ફાયદો મળે છે. ફણગાવેલા ચણાને સવારે ઊઠીને ખાલી પેટ ખાવાથી ખૂબ જ ફાયદો થાય છે.
કાળા ચણા ઘણા એવા પોષકતત્વોથી ભરેલા છે કે જે તમારા વાળને અંદરથી પોષણ આપે છે અને તેને રેશમી તેમજ સ્વસ્થ બનાવે છે. શુષ્ક વાળ માટે કાળા ચણાની મદદથી વાળનો માસ્ક બનાવી શકો છો. આ માટે એક બાઉલમા બે ચમચી કાળા ચણા નો પાવડર, એક ચમચી લીંબુનો રસ અને એક મોટો ચમચો દહીં ભેળવો. આ બધી જ વસ્તુઓ ને સારી રીતે મિક્સ કરો અને આ પેસ્ટને તમારા વાળ પર લગાવો. ૨૦ મિનિટ સુધી રાખ્યા બાદ તેને ઠંડા પાણીથી ધોઈ લો. આ હેર પેકનો ઉપયોગ કરવાથી તમારા વાળ નરમ અને ચમકદાર બનશે.
કાળા ચણામાં આયર્ન પણ ખૂબ વધારે છે. તેના વારંવાર સેવનથી હિમોગ્લોબિન વધે છે અને એનિમિયા જેવા રોગોથી છૂટકારો મળે છે. ડાયાબિટીઝના દર્દીઓ માટે પણ કાળા ચણાનું સેવન કરવું ખૂબ ફાયદાકારક છે. કાળા ચણામાં હાજર કાર્બોહાઇડ્રેટ્સ ધીરે ધીરે પચે છે જેના કારણે બ્લડ સુગરનું સ્તર ઓછું થઈ શકે છે. કાળા ચણાનું સેવન પ્રકાર 2 ડાયાબિટીઝના તમારા જોખમને દૂર કરી શકે છે.
જો સગર્ભા સ્ત્રીને વારંવાર ઉલટી થાય છે, તો આ સમસ્યાથી છૂટકારો મેળવવા માટે દરરોજ રાત્રે કાળા ચણાને પલાળી રાખો અને સવારે તે ચૂર્ણનું પાણી પીવાથી ઉલટી ની સમસ્યા દૂર થાય છે. દરરોજ રાત્રિભોજન પછી શેકેલા ચણા ખાવાથી અને એક ગ્લાસ હૂંફાળું દૂધ પીવાથી સંગ્રહિત કફ સાફ થાય છે અને સુકી ઉધરસમાં ઘણી રાહત મળે છે.
કાળા ચણા હૃદયના દર્દી માટે રામબાણ ઈલાજ છે. તેના સતત સેવનને કારણે કોલેસ્ટરોલ ઓછું રહે છે. અને બ્લડ પ્રેશર પણ સામાન્ય રહે છે.દરરોજ રાત્રે એક મુઠ્ઠી કાળા ચણાપાણીમાં પલાળી રાખો અને સવારે ગોળ સાથે મેળવી ગોળ ખાવાથી કમળો મટે છે. હરસ મસ્સા અને કફથી પીડિત વ્યક્તિએ કાળા ચણાનું સતત સેવન કરવું જોઈએ.
રાત્રે એક મુઠ્ઠીભર કાળા ચણા પાણીમાં પલાળી રાખો અને સવારે ખાલી પેટ પર ચૂર્ણ ખાધા પછી આ પાણી પીવો. તેનાથી ઘણો ફાયદો થાય છે. ચણા શરીર નું વજન વધારવામાં પણ મદદરુપ છે. નિયમિત રીતે તેના સેવનથી વજન વધવા લાગે છે અને માંસપેશીઓ પણ મજબુત થાય છે. કાળા ચણામાં ફોસ્ફરસ હોય છે જે હિમોગ્લોબીનનું લેવલ વધારે છે. તેનાથી સ્કીનમાંથી વધારાનો પરસેવો નીકળી જાય છે.
કાલા ચણામાં એન્ટીઑકિસડન્ટો, એન્થોસીયાન્સ, ફાયટોન્યુટ્રિએન્ટ્સ અને એએલએ ભરેલા છે જે તમને આરોગ્યપ્રદ રુધિરવાહિનીઓ જાળવવામાં અને હૃદય રોગની સમસ્યાઓ દૂર કરીને ઓક્સિડેટીવ તણાવને દૂર કરવામાં મદદ કરી શકે છે. તે ફોલેટ અને મેગ્નેશિયમનો સારો સ્રોત પણ છે જે હાર્ટ એટેક અને સ્ટ્રોકના જોખમને ઘટાડવામાં મદદ કરી શકે છે.
કાળા ચણામા રહેલા વિટામિન બી ૬ અને ઝીંક ભરપૂર માત્રામા હોય છે, જે વાળના વિકાસ માટે ફાયદાકારક માનવામા આવે છે. આ બંને તત્વો વાળમા રહેલા પ્રોટીન ને બનાવવા માટે મદદ કરે છે, જે વાળના મૂળને મજબૂત બનાવે છે અને તે ઝડપથી વિકસે છે.કાળા ચણા ચહેરાને નિખારે છે અને ચહેરા પર ચમક પણ લાવે છે. હ્રદય રોગીઓએ પોતાના ભોજનમાં ચણાનું સેવન અચુક કરવું જોઇએ. મીઠું નાંખ્યા વગર ચણા ચાવી ચાવીને ખાવાથી સ્કિન સારી બને છે. ખંજવાળ અને રેસીસ જેવી ત્વચાની સમસ્યાઓ દુર થાય છે.